Categories
لیرکز نوحے

زہراء زہراء پرسہ لو بہتر کا

کربل کی کہانی جب کوئی بھی سنائے گا
دل والوں کی آنکھوں سے اک دریا بہائے گا
وہ قافلہ سرور کا جو شان سے نکلا تھا
صغراٰ کو خبر کیا تھی نہ لوٹ کے آئے گا

زہراء زہراء پرسہ لو بہتر کا

ٹوٹی ہے کمر شہ کی ، گھبرا نہ مگر اکبر
فرزند نبی تیری میت کو اٹھائے گا
زہراء زہراء پرسہ لو بہتر کا

سوتے ہی نہ تھے اصغر ، جھولے میں تڑپتے تھے
مادر کو خبر کیا تھی ، اک تیر سلائے گا
زہراء زہراء پرسہ لو بہتر کا

پامال ہوا قاسم جب گھوڑوں کی ٹاپوں سے
کس طرح چچا تیری میت کو اٹھائے گا
زہراء زہراء پرسہ لو بہتر کا

تھا ہاتھوں کے کٹنے کا کچھ غم نہ دلاور کو
سیدانیوں کا پردہ اب کون بچائے گا
زہراء زہراء پرسہ لو بہتر کا

سرور نے اٹھائے تھے سب ساتھیوں کے لاشے
شبیر تیرا لاشہ اب کون اٹھائے گا
زہراء زہراء پرسہ لو بہتر کا

 

Leave a Reply

Your email address will not be published. Required fields are marked *